Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.

 


 

 



 

Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

HOYVÍK Í STØÐUGARI MENNING

2020-10-13 20:26

Hoyvík er størsti býarpartur í Tórshavnar kommunu og vaksandi fólkatalið setir krøv til at tænastur og trivnaðarátøk verða gjørd í nærumhvørvinum.

Tað er ikki onki vit hava gjørt í Hoyvík hesa setuna: Nýggjan Umlættingar- og rehabiliteringsdepil (URD), stórar umvælingar eru gjørdar á Hoyvíkar skúla, Stórabrekka, nýggja bústaðarøkið, við 160 búeindum, verður boðið út í næstum, læknahølir í Kirkjustræti, nýggjur kirkjugarður, arkitektakapping hevur verið um at fara undir Stórutjørn. Dagstovnurin á Flat er bygdur út so hann nú er dupult so stórur, nógv trø eru gróðursett m.a. við Myllutjørn og í Djúpagili. gøtan í Villingardali er sett í gongd, verður liðug í desember. Byggisamtyktin fyri Dalin langa er broytt frá sethúsaøki til fríøki. Súkklarar hava fingið betri umstøður. Hølið innrættað í Hoyvíkshøllini til styrkivenjing, Frílendisætlanin Boðanes-Hoydalar er endaliga samtykt, gøtur eru gjørdar, hundatrøð undir Vinnuhúsinum letur upp í næstum, gøta út á Hvítasand er boðin út og fleiri trø verða gróðursett saman við Skógrøtini.

Tað eru tó mong viðurskifti, ið tørvur er á at gera og bøta um í Hoyvík. Komandi fýra árini eigur at verða arbeitt við hesum:

· Betri parkeringsviðurskifti í Millum Gilja, hetta skal gerast á felagsøkið, ið liggur klárt, men í órøkt, matr. nr. 140a.

· Fyrireikingarnar eru byrjaðar til at byggja røktarheim við røktaríbúðum aftrat í Stórutjørn.

· Finna eina loysn við koyriforingunum á gøtunum kring Hoyvík so, at súkklur og barnavognar sleppa framvið eftir gøtunum, - tó uttan at prutl sleppa ígjøgnum.

· Planta meira kring um í Hoyvík.

· Fyrireika útbygging av Hoyvíkar skúla

· Snøgga og gera torg og fleiri parkeringspláss á økinum millum kirkjuna og skúlan

· Gera útkoyringina frá Løgmannabreyt út á Vegin Langa trygga, t.d. við rundkoyring ella ferðsluljósum.

· Gera ljóðforðingar, nú landsvegurin (nýggi innkoyringavegurin) kemur so tætt at húsunum í Hoyvík.

· Ljóðforðingar/planting millum Dagstovnin á Flat og Vegin langa

· Heildarætlan fyri at bøta um parkeringsviðurskiftini fer til hoyringar nú, har vit gera grøn økir, parkeringspláss og gongubreytir á Karlamagnusarbreyt, pengar eru settir av á fíggjarætlanini og farið verður undir arbeiði í ár.

· Fríðka rundan um fótbóltsvøllin, gera skýli og áskoðarapláss

· Gøtulyktir fram við gøtuni við Svartafoss.

· Samanbinda gøtuna omanfyri Sandvíkarhjalla við gøtu oman til Sundsvegin, so tað ber til at ganga eftir gøtum frá Sandvíkarhjalla og inni á Gøtu niðan á Sundsvegin uttan at noyðast at ganga eftir stóru vegunum.

· Gera felagsøkið við tjørnina millum Djúpagil og Millum Gilja, so økið kann nýtast til hugna og tiltøk.

· Fjarhitarør liggja í fleiri økjum í Hoyvík, men hóast frástøðan er stutt, so eru nógv hús, sum ikki sleppa at knýta í, tí rørini ikki ganga heilt til húsið. Kommunan eigur at bera so í bandi, at rør verða løgd til húsini, og síðani kunnu húskini sjálvi rinda ein rímiligan íbindingarkostnað.

· Hoyvíkshøllin skal útbyggjast við einum hondbóltsvølli afturat.

· Stórhøll skal fyrireikast og liggur í nýggja býlinginum í Stórutjørn.

Fái eg álit frá veljaranum at halda fram í býráðnum fari eg at virka fyri at bøta um hesi viðurskifti í Hoyvík.

Gunvør Balle, varaborgarstjóri og valevni fyri Tjóðveldi