Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.

 


 

 



 

Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Eftirviðgerð

2021-04-09 14:17

Dokumentarsendingin í gjárkvøldi gav politiska myndugleikanum eina ábreiðslu.

Sum fyrrverandi forkvinna í Trivnaðarnevndini í Tórshavnar kommunu kenni eg nakað til økið og avbjóðingina.

Vaktarskifti, eins og broytt virksemi á Sernámi, førdi við sær, at ‘tala og hoyrn’, sum vit kenna tað, varð húsvill.

Tilboðið til kommununa var, at lata hesa tænastu virka nøkur ár afturat í leigaðum høli hjá kommununi.

Vit kenna hetta tilboðið sum sera kærkomið, bæði hjá seinheilaskaddum, hjá ymsum sjúkubólkum eins og hjá fólki við viðføddum breki av hesum slagi.

Tænastan hevur á leið ein mansaldur á baki og er í serklassa hvat royndir, vitan, breidd og samskifti, viðvíkur. Tí var tað hjá mær ikki ein spurningur, men avgjørt neyðugt at samstarva um hesi viðurskifti í eini undantaksstøðu í styttri áramál, so tilboðið ikki datt niðurfyri.

Trivnaðarnevndin samtykti at játta hesum, men hetta fekk ikki víðari undirtøku í mentamálanevndini, við grundgevingum um, at hetta ‘kom undir’ stuðul til privata vinnu.

Um hetta mundi var eisini vaktarskifti á Vaglinum, í og við at býráðsval stóð fyri durum. Sostatt varð hetta eitt av síðstu málunum, - og sum  tíverri ikki gekk ígjøgnum.

Bergun Kass