Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.


 

Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Georg F. Hansen, formaður í Føroya Arbeiðarafelag

Yvirlýsing frá Samtak

Feløgini í Samtak – Føroya Arbeiðarafelag, Føroya Fiskimannafelag, Klaksvíkar Arbeiðskvinnufelag og Klaksvíkar Arbeiðsmannafelag – vísa framhaldandi sín treytaleysa stuðul til Føroya Pedagogfelag í stríði sínum at fáa limunum betri sáttmála.

Feløgini heita á Fíggjarmálaráðið og Kommunala Arbeiðsgevarafelag um at sessast aftur við samráðingarborðið við einum vilja at loysa ósemjuna og at finna eina virðiliga loysn. Heldur enn at nýta tíð og orku upp á gerðarrætt, løgting og annað uttanum virksemi, skuldi arbeiðsgevarasíðan nýtt alla sína tíð og orku upp á at finna eina loysn á málinum. Loysnin liggur ikki í gerðarrættinum, men við samráðingarborðið, og somikið av virðing átti arbeiðsgevarasíðan at víst sínum mótparti, at tey vilja royna samráðingina heldur enn at vinna námsfrøðingunum neisur í tekniskum undanførslum í gerðarrættinum.

Samstundis skulu feløgini eisini boða frá, at feløgini hava heitt á løgfrøðing um at kanna, um tað er revsivert hjá almennum leiðarum at hótta starvsfólk, ið eru í lógligum verkfalli.

Við fakfelagskvøðu,
Vegna feløgini í Samtak,
Georg F. Hansen, formaður í Føroya Arbeiðarafelag
Jan Højgaard, formaður í Føroya Fiskimannafelag
Jastrid W. Niclasen, forkvinna í Klaksvíkar Arbeiðskvinnufelag
Arthur Guðjonsson, formaður í Klaksvíkar Arbeiðsmannafelag