Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.




Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Vága Sambandsfelag: Viðvíkjandi uppsøgnum í Atlantic Airways

2020-05-19 23:11

Vága Sambandsfelag 19.05.2020

Til
Bárður Nielsen, løgmann
Jørgen Niclasen, Fíggjarmálaráðharra
Helgi Abrahamsen, Vinnumálaráðharri
Føroya Løgtin
Fjølmiðlarnar.

Viðvíkjandi uppsøgnum í Atlantic Airways

Vága Sambandsfelag er sera hugstoytt nú hópuppsagnir verða framdar á Tjóðarflogfelagi okkara Atlantic Airways, eftir bert 3 mánaða coronafarsótt.

Vága Sambandsfelag mælir til, at politiski myndugleikin ikki bert hyggur eftir, at okkara Tjóðarfelag bløðir út, men tryggjar, at felagið kann halda fram við virksemi sínum í óbroyttum líki eftir Coronakreppuna.

Eisini er neyðugt at førleikar og vitan í felagnum framhaldandi verður varðveitt.

Vit heita inniliga á politiska myndugleikan at taka ítøkilig stig til at tryggja, at AA kann halda fram við sínum virksemi, eisini eftir at coronafarsóttin er liðug.

Vit halda, at tað kann ikki góðtakast, at tað í bygt er upp innan flogvinnuna eftir 30 árum, skal brótast niður eftir fáum vikum.

Um felagið verður tryggjað nú, verður tað tilreiðarat fara ígongd, tá ferðavinnan tekur seg uppaftur.

Vit meta, at tað er sera kappingaravlagandi, at AA uttan nakran almennan stuðul skal kappast ímóti útlendskum feløgum, ið hava fingið milliardir í almennum stuðli.

Vit heita á politiska myndugleikan at leggja eina ítøkiliga ætlan um, hvussu landið skal lata uppaftur, so ferðavinnan betur kann leggja framtíðarætlanir.

Vegna Vága Sambandsfelag
Marjus Dam