Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.




Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Tórshavn ein fjálgur lestrarbýur

2013-08-28 21:54

<b>Eitt ókeypis lestrarkort, sum gevur teimum lesandi í Tórshavnar kommunu ymiskar fyrimunir, er eitt gott stig á leiðini at menna Tórshavn sum lestrarbý</b>

Tórshavnar býráð samtykti á býráðsfundi herfyri, at lesandi í Tórshavnar kommunu fáa ókeypis lestrarkort í skúlaárinum, sum vit júst eru farin undir. Sum partur av býráðssamgonguni fegnist eg stórliga um hetta stigið á leiðini at menna høvuðsstaðin til ein fjálgan og livandi lestrarbý.

Lestrarkortið gevur t.d. teimum lesandi bíligari skúlabøkur og avsláttur í kafeum, matstovum og handlum.

Eitt lokkandi lestrarumhvørvi er umráðandi fyri trivnaðin. Tess fleiri velja at lesa í Havn, tess ríkari verður lestrarumhvørvið, og tess størri verður trivnaðurin.

Tórshavnar kommuna skal áhaldandi stuðla upp undir, at tey mongu, sum velja at fara undir útbúgvingar í Føroyum – t.d. maritimar, heilsuligar, námsfrøðiligar ella samfelagsfrøðiligar útbúgvingar – fáa fjøltáttað tilboð og tænastur, sum tey veruliga hava tørv á.

Føroyar eru í harðari kapping við onnur lond. Tí er tað umráðandi, at vit gera alt fyri tey, ið lesa í Føroyum. Sjálvt um tað ikki er møguligt at taka allar útbúgvingar í Føroyum, eru gott og væl túsund fólk undir hægri útbúgving í okkara landi. Telja vit frá miðnámsskúlunum og lærlingum til vinnuháskúlan og allanvegin upp til Fróðskaparsetur Føroya, er talið væl hægri – umleið 5000 fólk.

Lestrarkortið er at meta sum fyrsta stigið á leiðini, men vit vilja virka fyri, at høvuðsstaðurin áhaldandi mennist sum lestrarbýur. Ein lokkandi og fjálgur høvuðsstaður við einum livandi lestrarumhvørvi er umráðandi fyri fólkavøksturin.

Bogi Andreasen

Býráðslimur