Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.


 

Soleiðis leggur tú á Lesarin

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

TAÐ KANN IKKI TIGAST BURTUR LONGUR


Tað hevur verið sera áhugavert at fylgt við í kjakinum seinastu vikurnar um fría abort og kvinnurættindi. Aktión elvir til reaktión, og tað hevur sanniliga víst seg at vera førið í hesum kjaki - frá at hoyra nógvar afturhaldssinnaðar røddir at byrja við, til at nú síggja fleiri nýggjar felagsskapir forma seg og koma fram við sínari hugsan um torføra evnið sum er frí abort, hetta t.d. við stovnanini av felagsskapinum 'Snotra.fo', ið ynskir at varpa ljós á hetta og ymisk onnur mál, við skrivinum, vit sóu frá ymiskum føroyskum kvinnum, sum stuðla fríari abort 'Frítt val - fyri fríari abort', og nú við stovnandi aðalfundinum hjá felagnum 'Damudomi'.

 

Tað er mín vón, at kvinnurættindi og onnur eins týdningarmikil javnstøðumál fara at mynda tíðina komandi, tí hetta er sanniliga nakað, ið hevur verið tagt burtur alt ov leingi. Tað er nú, at vit føroyingar, ið ynskja nýskipan og liberalisering á økinum, skulu standa saman og varpa ljós á hetta týdningarmikla javnstøðumál - tíðin ER búgvin til at fremja nýskipanir í lóggávuni frá 1956, ið skal avgera lívsleiðina hjá okkara kvinnum í 2017.

 

Til at fremja hetta krevst, at vit ikki smæðast burtur í ótta fyri at verða skýrd bæði eitt og annað, at vit halda á og ikki steðga fyrrenn politikkarirnir hava samlað sær so mikið mót til at hetta álvarsmál kemur á skrá. 

 

Tað stutta av tí langa er, at tað er ikki rætt, at tað kemur alt ann uppá hvønn lækna mann hevur, um mann fær játtað abort ella ei. Tað er ikki rætt, at kvinnur, ið ikki eru fíggjarliga væl fyri, verða óbeinleiðis tvingaðar at gjøgnumføra ein viðgongu, sum tær ikki ynskja at gjøgnumføra, av teirri einfaldu orsøk, at tær ikki hava ráð at fara uttanlanda at fáa abort framda. Tað er ikki rætt, at onnur uttanfyristandandi skulu avgera, hvussu restin av lívinum hjá eini kvinnu skal forma seg - kropsliga, sálarliga og familjuliga. Er tað veruliga so, at vit liva í einum landi sum góðtekur, at kvinnur skulu skriva undir uppá og hava tað hangandi á sær fyri lívstíð, at tær eru sálarliga óforsvarligar, fyri at tær kunnu fáa abort framda? Nei, tað er ikki acceptabult í mínari verð. 

 

Tað er einans kvinnan sjálv, ið kann taka og liva við tí avgerð. Veruleikin er, at abortir altíð hava verið, eru, og altíð fara at verða, óansæð hvat okkara persónliga meining um tað er. Hetta málið botnar í, at vit mugu tryggja okkara kvinnum forsvarligar, rættvísar og tryggar rammur til at taka avgerðina, ið einans hon kann taka. 

 

Tað kann ikki tigast burtur longur! 

 

Oda K. Strøm

 

Stuðlið hesum málið við at dáma facebooksíðuna "frítt val - fyri fríari abort" www.facebook.com/frittval