Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.


 

Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Standa saman um formannin

2019-03-21 17:00

Formaður floksins hevur staðið á odda fyri Sjálvstýri í 3 ár, og hevur hann hesa tíðina saman við lokalfeløgum floksins megnað at sett fokus á loysnir á m.a. umhvørvisøkinum, bústaðarøkinum, útlendingaøkinum, familjuøkinum og ferðavinnuøkinum. Hetta eru politisk mál, ið ávirka allar Føroyar og ikki bert partar av okkara samfelag.

Tað sum er alneyðugt fyri flokkin nú, er at halda áfram við tí konstruktiva arbeiðinum sum vit hava sett í gongd, og at halda fokus á løgtingsvalið sum liggur fyri framman. Eysturoyar Sjálvstýrisfelag er ein aktivur partur av hesum arbeiði, og vit hava álit á at formaður floksins, Jógvan Skorheim, megnar at standa á odda fyri politikki floksins, soleiðis at flokkurin fær góðan uppbaking til komandi val.

Blíðar heilsur,

Vegna Eysturoyar Sjálvstýrisfelag,
Bárður Kass Nielsen, formaður