Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.




Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Nú skulu vit hava fleiri kvinnur í bygda- og býráðini í Føroyum!

2020-06-11 06:30

Demokratia vil hava fleiri kvinnur á listarnar til Kommunuvalið 2020

Eitt fjølbroytt politiskt landsslag hevur avgerandi týdning fyri, hvørjar avgerðir verða tiknar, og hvussu tær verða tiknar. Eitt fjølbroytt politiskt landslag hevur eisini týdning fyri, hvørjar raðfestingar verða gjørdar í kommununi.

Tíðin er farin frá at spyrja, um tað hevur týdning at fáa fleiri kvinnur inn í kommunurnar, til at siga: sjálvandi hevur tað týdning. Vit hava brúk fyri ymisleika til at taka skilagóðar og umboðandi avgerðir.

Ímeðan korona-farsóttin hevur herjað, hava vit sæð, at kvinnur hava staðið í fremstu røð við stórari ábyrgd. Nú er tíðin komin at lata ávirkan fylgja við ábyrgd. Tí samstundis sum hesi størv, sum vera lýst í átaki okkara í Demokratia, hava stóra ábyrgd, hava tey lítla ávirkan á avgerðir, sum verða tiknar.

Okkum tørvar teirra royndir og royndirnar hjá einum fjølbroyttum hópi av føroyingum yvirhøvur.

Tí siga vit heilt einfalt við allar kvinnur: STILLIÐ UPP til kommuvalið 2020 - tín kommuna hevur tørv á tær.