Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.


 

Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

LINDIN Í 18 ÁR - nógv fólk í Østrøm

Kristiliga Tíðindatænastan v/ Poul Jóhan Djurhuus gjaranes@gmail.com Tlf: 228314 SKRIVAÐ: 07.02.2018 MYND: Føðingardagskaka. Tú kanst hoyra innslagið á Kristiligu Tíðindasendingini á R7.fo

https://r7.fo/…/kristiliga-tidindasendingin-61-vid-poul-joh…

LINDIN Í 18 ÁR
- nógv fólk í Østrøm

Nógv virksemi var næstseinasta leygardag 27. januar. Kristiliga kringvarpstøðin Lindin feiraði 18 ára dagin við beinleiðis sending úr hølunum hjá Østrøm í Havn. Holocaust-minningarhald var í Løkshøll í Runavík, og seinni um kvøldi var almennur kunningarfundur um hjálparfelagsskapin Mercy Ships, eisini í Løkshøll.
_________

Leygardagin 27. januar rundaði kristiliga kringvarpsstøðin LINDIN 18 ára dagin. Dagurin varð hildin sum ein stuðulsdagur við drúgvari skrá í Østrøm í Rættará í Havn, har byrjað var at senda beinleiðis frá kl.13:00, og hildið varð á til kl.23:00, tá høvuðsvinningurin varð trektur, sum var ein ferðaseðil upp á 30.000,00 krónur.

Til tess at stuðla Lindini fíggjarliga vóru fleiri stórir vinningar útlutaðir ígjøgnum dagin, sum fyritøkur hava givið. Kendir føroyskir listamálarar, so sum Øssur Mohr, Sámal Toftenes og Petur Prent, høvdu donera málningar, sum vórðu seldir á uppboði undir føðingardagshaldinum. Allir málningarnir vórðu seldir og góvu teir í alt 55.000,00 krónur. Eisini sótu fólk við telefonirnar at taka ímóti boðum frá stuðlum, sum ynsktu at flyta eina upphædd á kontu hjá Lindini. Tór Arni Samulesen, sum hevur arbeitt í Lindini í mong ár, sigur, at 42 nýggir stuðlar meldaðu seg á stuðulsføðin
gardegnum.

Føðingardagsgestirnir, sum vóru fleiri enn undanfarnu ár, komu og fóru ígjøgnum allan dagin. Gestirnir kundu njóta ein góðan bita saman við góðum tónleiki, borin fram av tónleikarum sum Ólavur á Váli Olsen, Magni Christiansen og øðrum.

FRAMTÍÐARÍLØGUR
Lindin hevur sum mál at gera íløgur i upptøku- og sendihølir í enn fleiri støðum í landinum, so sum Suðuroy og í Vágunum, og leiðslan í Lindini vónar, at stuðulsdagurin á 18 ára degnum hevur givið so mikið, at hetta skjótt kann gerast veruleiki.

Lindin sendir í dag alt døgnið, og røkkur 90 % av landinum.