Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.




Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Limirnir stuðla nevndini í samráðingarkrøvum

2018-11-26 06:27

Yvir 50 limir úr øllum landinum møttu á limafundinum hjá Heilsurøktarafelagnum hósdagin, har kunnað varð um gongdina í sáttmálasamráðingunum seinasta hálva árið. Á fundinum varð greitt frá, hvat tað er, sum í høvuðsheitum skilir partarnar. Fleiri nýttu høvi at seta spurningar og siga sína hugsan um støðuna.

Nevndin fegnast um, at limirnir fylkjast um felagið og stuðla í stríðnum um betri lønar- og arbeiðsumstøður, øllum limunum at frama.

Fíggjarmálaráðið og Kommunala arbeiðsgevarafelagið hava síðani sagt nevndini í Heilsurøktarafelagnum frá, at tey fara at hava eitt uppskot um semju klárt at leggja fyri felagið fyrst í vikuni. Okkara inniliga vón er, at talan verður um eitt líkinda uppskot, sum tryggjar limum okkara veruligar batar í sáttmála- og lønarviðurskiftum okkara.

Rakul í Gerðinum, forkvinna í Heilsurøktarafelagnum