Áarvegur 2 - Postsmoga 208
110 Tórshavn

Telefon: 312492
Teldupostur: samband@olivant.fo
Heimasíða: www.samband.fo

Keisarin er nakin

2019-04-10 10:26
Fiskivinnupolitikkur - 

Samgongan og KVF røða upp í saman um eina nýskipan av fiskivinnuni, sum er sett í verk - tað má sigast at vera størsta “fake news” í nýggjari føroyskari politiskari søgu.

Eg kann vísa á nøkur grundleggjandi mál, sum ikki eru tikin við í hesa sokallaðu nýskipanina av fiskivinnuni:

- Umsitingarætlan ella veiðireglur eru ikki gjørdar

- Kvotuskipan er ikki sett í verk fyri heimaflotan

- Skipan við áseting av tilfeingisgjøldum er ikki gjørd

Harafturat endaði uppboðssølu kravið á 15% í mun til ætlanina um 100%.

Hvat viðvíkur ognarrættinum av sjófeinginum til Føroya fólk, ja so varð hesin ivin staðfestur longu í 2007, av einum samdum Løgtingi.

Botnfiskiskapurin undir Føroyum hevur verið skipaður eftir fiskidagaskipanini heilt frá 1996.

Eisini kunnu vit staðfesta, at menningarkvoturnar vórðu 90% ófiskaðar í 2018, svarandi til eitt mist virði uppá umleið 200 mió. kr.

Heilt erligt, hvussu kann mann billa fólki inn, at samgongan hevur framt eina vælvirkandi nýskipan av fiskivinnuni í Føroyum.

Hetta við nýskipan av fiskivinnuni er tí beinleiðis pínligt at hoyra uppá.

Kaj Leo Holm Johannesen

løgtingsmaður fyri Sambandsflokkin

RN