Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.


 

Soleiðis leggur tú á Lesarin

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Heimavirkisvørur MVG- og skattafríar

Jørgen Niclasen hevur, vegna Fólkaflokkin, lagt uppskot fyri løgtingið um at broyta skattalógina soleiðis, at heimavirki fær sømdir sum rithøvundar, tónaskald og onnur listafólk.

Ein kreativ bylgja hevur skolað yvir føroyska samfelagið seinnu árini. Allar listagreinar spretta við nýhugsan og kreativum hugskotum og tað er av stórum týdningi fyri føroyska samfelagið.

Eisini innan heimavirki hava vit sæð ein eldhug at tulka aldargamla bindingarkynstrið av nýggjum, nýhugsan av búnanum og framleiðslu burturúr horni, gróti, viði og øðrum tilfari. Men tað er ein vandi fyri, at vit missa hesa kreativu orkuna av hondum um vit halda fram við at køva kreativitetin við krøvum um meirvirðisgjald og innrekan av skatti.

Fólkaflokkurin vil tískil stimbra undir kreativitetin við, at javntseta heimavirki við onnur listafólk. Ein stimbran, sum uppá sikt kann tryggja, at onkur kreativ sál sleppur uppfrá. Okkum øllum til gagns.

Tað skal gerast við at frítaka heimavirkisvirksemi fyri MVG og at persónur kann forvinna 50.000 kr skattafrítt. Tað, ein við sølu av heimavirkisvørum forvinnur yvir 50.000, verður skattað við 15%.

Fólkaflokkurin hevur tvær ferðir fyrr lagt uppskotið fram, har alt Løgtingið tók undir við málinum, men samgongan valdi tá at fella uppskotið, tí tey vildu bíða eftir landsstýriskvinnuni. Einki er komi frá henni, tí roynur Fólkaflokkurin aftur og vónar undirtøku.

Jørgen Niclasen, Fólkaflokkurin​