Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.




Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Ein lønarhækking uppá 3 krónur fyrsta ári sammett við sáttmálasamráðingarnar 2017-2019.

2020-02-04 17:40

Ein lønarhækking uppá 3 krónur fyrsta ári sammett við sáttmálasamráðingarnar 2017-2019.

Eg takki fyri svar títt í greinini í kvøld. Sjálvur hevur tú sitið í nevndini í starvsmannafelagnum í 12 ár, og 4 tey seinastu árini sum formaður í Føroya størsta fakfelag, so alt annað líka eigur tú at hava fleiri royndir á sáttmálaøkinum.

Tú burdi vitað, hvat tú sjálvur hevur skrivar undir uppá. Her eru fakta tøl fyri sáttmálan frá 2017 til oktober 2019.

Eg má tíanverri rætta teg, og siga, at eftir sáttmálasamráðingarnar í 2017 til oktober 2019 er tað ikki rætt, sum tú sigur, at grundlønin hækkaði við 1448 kr. fyri allar limirnar. Rætta talið er 1387 kr.

Hetta eru fakta tøl, sum tú sjálvur hevur undirskrivað sum eisini stendur niðanfyri.

Sáttmálin verður endurnýggjaður fyri tíðarskeiðið 1.10.2017 til 1.10.2019.

Tann 1. oktober 2017 hækka mánaðarlønirnar við 633,- kr. Tann 1. oktober 2018 hækka mánaðarlønirnar 754,- kr.

Umflokkingar í 2017 til 2019.

Umflokkingar: Teknikarar, tekstarar og skráfólk í Kringvarp Føroya flyta úr lønarflokk 6 í lønarflokk 7 við starvsaldur. Landmálsteknikarar á Umhvørvisstovuni flyta í lønarflokk 6 við starvsaldur. Broytingar í sáttmálatekstinum § 1, stk. 4: Fyrsti setningurin “semingsmaðurin leggur uppí” verður broytt til: “Semingsstovnurin leggur uppá.

Sáttmálasamráðingarnar hesuferð hava givið okkara limum eitt krónutal uppá 1390 kr. fyrsta árið. Ein hækking uppá heilar 3 krónur fyrsta árið, sammett við seinast.

Næsta árið bleiv í prosentum uppá 2.25%. So fakta er, at vit bara hava fingið eina lønarhækkan fyri eitt ár sammett við sáttmálan í 2017-2019.

2019 til 2021

Umflokkingar

Størstu lønarhækkanina fingu journalistarnir í Kringvarpinum, sosialráðgevar og bókavørðar. Ein lønarhækkan 3.323 kr.

Í oktober 2019 hækkar mánaðarlønin 795 kr. fyri stig 1 til 21. Fyri lønarstig 21 til 50 hækkar mánarðarlønin 595 kr. Tilsamans fyrsta árið í krónum uppá 1390 kr. Ein lønarhækking uppá 3 krónur sammeta vit við samráðingarnir 2017-2019. Hetta er fakta.

Tað er teimum væl unt, sum hava fingið størstu lønarhækkanina nú, lat ongan iva vera um tað. Tey gera øll, eins og allir limr felagsins eitt dygdargott arbeiði. Mín undran snýr seg meira um, hví nakrir bólkar enn ikki kenna hitana av góðu tíðunum og harvið sækka afturút. Hetta økir um ójavnan. Og tað skulu vit ikki góðtaka. Hesum fari eg at stríðast fyri eydnast tað mær at fáa tað álit frá limunum, sum skal til fyri at vera formaður í Starvsmannafelagnum.

Við fakfelagskvøðu, Gunnar Hjelm valevni til formanssessin í Starvsmannafelagnum