Rúni Sundberg Patursson

Føddur 01 apríl 1983 í Havn.

Uppvaksin í Hoyvík í dag búsitandi í Havn.

Sonur Karl og Eyð Patursson búsitandi í Hoyvík

Unnusta er Joan Kjelnæs, og saman eiga tey trý børn. Rebekka (2005), Sandra (2007)og Eva (2011)

Hevur lokið HH prógv frá Føroya Handilsskúla í 2004.

Fór síðan í læru sum skrivstovufólk hjá P/F Poul Michelsen Heilsølu og bleiv útlærdur í 2006

Rúni helt fram hjá P/F Poul Michelsen eftir lokna lærutíð, sum sølufólk/sølusamkipari til og við 2010

Millum 2010 og 2012 starvaðist Rúni sum handilsleiðari hjá matvøruhandlinum PE á Heykavegnum 2 í Havn.

Í Juli 2012 var Rúni settur í starv sum søluleiðari innan Retail hjá P/F Poul Michelsen

Rúni er eisini partur av familju fyritøkuni Sp/F Maskinkoyring, har hann er nevndarformaður.

Í frítíðini er Rúni er sera virkin innan hundavenjing, har hann millum annað sjálvur er virkin hundavenjari, kappinga dómari og næstformaður hjá áhugafelagnum Føroya Civila Hundaførarafelag – FCH.

Barnakekkurin vil koma væl við og gera undurverk

2012-10-28 17:28

Samstundis sum Framsókn herfyri alment boðaði frá, at flokkurin fór at stilla upp til býráðsvalið í Tórshavn, boðaði hann eisini frá, at ein barnakekkur/stuðul uppá 1% av skattainntøkuni svarandi til 28 mill skuldi lætast sum kekkur ella stuðul til barnafamiljurnar í kommununi.

Hetta vil geva hvørjum barni í kommununi undir 18 ár kr. 11.500,- um ári.

Okkara borgarstjóri Heðin Mortensen var beinanvegin klárur við viðmerking. Við sera sterkum orðum helt hann uppskotið at vera ábyrgdarleyst, og mint á at talan var um 63 mill krónur, og at hetta kundi hótta kommununa fíggjarliga.

Eitt er so tað at borgarstjórin í sínum grundgevingum – VIÐ VILJA - roknar 35 mill skeivt. Uppsotið hjá Framsókn kostar 28 mill og ikki 63 mill. Hitt er so tað at Heðin ikki letst vita hvussu trongdar barnafamiljurnar í Tórshavnar Kommunu eru og hvørjar avleiðingar hetta hevur fyri býin.

Barnatali minkar, familjur flyta úr kommununi og í ringasta føri av landinum. Ein gongd, sum vit øll kenna, ræðast og tí taka í ramasta álvara.

So kom mótspæli frá Heðin : ½ skattaprocent til barnafamiljurnar!! Út frá tí, sum eg havi lisið so eru øll í býráðnum nøgd nú.

Tað eru vit í Framsókn ikki – tí vit eru sannførd um, at ein fíggjarligur styrkur áljóðandi kr. 11.500,- til øll børn undir 18 ár vil koma familjunum so væl við, at hetta kann venda skeivu gongdini.

Framsókn vil tí halda fast um, at barnafrádrátturin í Tórshavnar Kommunu skal hækkast upp í kr. 11.500,- pr barn undir 18 ár. Við hesum fáa barnafamiljurnar fíggjarligt frælsi, hetta kann gera undurverk.

Tórshavn, ein framsøkin høvuðsstaður.

Rúni Sundberg Patursson, valevni á listanum hjá Framsókn

Ein Kommuna fyri øll!