Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.




Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

26 milliónir krónur til felagshølir við fótbóltsvøllin í Hoyvík

2019-12-05 07:10

Fótbólturin í Hoyvík er í menning, og í langtíðar løguætlanini hjá Tórshavnar kommunu hava vit sett 26 milliónir krónur av til at fáa hølisviðurskiftini kring fótbóltsvøllin í Hoyvík í rættlag 

Næstu trý árini halda vit fram at byggja fótbóltsøkið í Hoyvík út, so at fótbólturin í hesum skjótt vaksandi býarpartinum í høvuðsstaðnum fær betri umstøður at mennast. 

Ein millión er sett av í 2020 til at fyrireika verkætlana. Í 2021 og 2022 eru ávikavist 10 og 15 milliónir krónur settar av í langtíðar løguætlanini hjá Tórshavnar kommunu til felagshølir við fótbóltsvøllin í Hoyvík. 

Talan er um samkomuhøli, skiftingarrúm og annars at fáa øll hølisviðurskifti, sum hoyra til ein fótbóltsvøll í rættlag. Hoyvík er vorðin so stórur partur av høvuðsstaðnum, at vit áhaldandi eiga at bøta um viðurskiftini at íðka ítrótt og hava frítíðarvirksemi í hesum alsamt vaksandi býarparti. 

Bogi Andreasen,
býráðslimur
Fólkaflokkurin