Tað riggar í løtuni ikki at leggja lesarabrøv á Lesarin.fo umvegis Facebook.

Fyribils skulu lesarabrøv sendast til redaktion@knassar.fo, so leggja vit tað út fyri teg.

1. mai-hald í Vestmanna

2014-04-29 14:41

Nú verður eisini skipað fyri 1. mai-haldi í Vestmanna. Tað verður gjørt sum ein fundur við røðum og tónleiki.

Tiltakið verður kl 18.30 í gomlu sýslumanshúsunum á Bakkavegi, sum kommunan hevur nýumvæld.

Røðarar verða Hilbert Elisson úr Vestmanna, Sonja Jógvansdóttir frá Samtak og Aksel V. Johannesen, formaður í Javnaðarflokkinum.

Tað verður Signar í Homrum, sum fer at syngja og spæla.

Fyrireikarunum kunnugt hevur helst ikki verið skipað fyri 1. mai-haldi í Vestmanna fyrr, so tey vóna at undirtøkan verður góð.

Tiltakið verður kl. 18.30. Ein grund til hesa tíð er, at fólk eisini skulu kunna vera við til 1. mai-haldið í Havn, og haraftrat verður annað tiltak í Vestmanna seinni um kvøldið, tað er konsertin við Ken Hensley í Vektarbúðini.

Tað er Norðstreymoyar Javnaðarfelag, ið skipar fyri 1. mai-haldinum í Vestmanna